Rules For Starting Your Own Poultry Farm

پولٹری فارم شروع کرنے کے لئے کچھ اہم اصول

اگر آپ اپنا پولٹری فارم شروع کرنے کا سوچ / منصوبہ بنارہے ہیں توآپ کو پولٹری فارم شروع کرنے سے پہلے اس پہلو پر نظر ڈال لینی چائیے۔ پولٹری فارم کے کاروبار کو شروع کرنے سے پہلے نہایت سمجھداری سے تمام ضروری اشاء و منصوبہ سازی کومکمل کریں اور اپنے کاروبار کی اشتہاربازی (marketing) کریں۔ اور اس بات کوقطعی طور پر نظرانداز مت کریں کہ آپ کے علاوہ اور بہت سے لوگ پہلے سے ہی پولٹری فارم کا کاروبار کر ریں ہیں۔

تاہم، اگرآپ اپنے کاروبار کو چلانے کے لئے بہترین انتظام کریں گےتواس سے کاروبار میں تیزی سے ترقی ہو گی۔ پولٹری کے پرندوں کی مانگ (demand) دن بدن بڑھ رہی ہے۔ اس کاروبار میں بہت زیادہ مقابلہ بازی (competition) ہونے کے باوجود آپ پولٹری فارم کا کاروبار شروع کر سکتے ہیں اوراس میں بہت فائدہ بھی ہیں۔ اس آرٹیکل کے ذریعے کچھ بنیادی باتوں کی طرف دھان دلایا جا رہا ہے جس سے لگائی گئی سرمایہ کاری (investment) سے آمدن میں تیزی اور آسانی پیدا ہوگی۔

پولٹری فارم شورع کرنے کے لئے کچھ بنیادی اصول درج ذیل ہیں۔

پولٹری فارم کے لئے کاروباری منصوبہ بنانا :
کسی بھی کاروبار کو شروع کرنے سے پہلے اس کاروبار کا بہترین، مکمل اور جامع کاروباری منصوبہ (business plan) سازی کرنا سب سے اہم پہلو ہے۔ لیکن اکثر لوگ کاروبار کرنے سے پہلے کوئی کاروباری منصوبہ (business plan) نہیں بناتے جس سے اکثر وہ نقصان اٹھاتے ہیں اور کچھ عرصہ گزرنے کے بعد وہ کاروبار بند کرنے پر مجبور ہوجاتے ہیں۔ کاروبار بند ہونے میں اور بھی بہت سے پہلو ہوتے ہیں لیکن اس میں سب سے اہم پہلو کاروباری منصوبہ سازی کا نہ ہونا ہے۔ کیونکہ جب بھی جب آپ کوئی کاروباری منصوبہ سازی کارتے ہیں تو اس میں ہر پہلو پر غوروفکر کیاجاتا ہے۔

پولٹری فارم شروع کرنے سے پہلے ایک بہترین، مکمل اور جامع کاروباری منصوبہ (business plan) لازمی بنالیں اور اس سے کاروبار میں تقویت ملیں گی اور آپ ترقی کی راہ پر جلدی گامزن ہو جائے گے۔ ایک کاروباری منصوبہ کیسے بنایا جاتا ہے اور اس میں کون کون سے اہم پہلو ہے یہ آپ میرے دوسرے آرٹیکل ایک بہترین کاروباری منصوبہ سازی میں پڑھ سکتے ہیں۔

پولٹری فارم کس مقصد کے لئے بنانا چاہتے ہیں:
پولٹری کے پرندوں کی صنعت کی بات کریں تواس کی وصت بہت زیادہ ہیں۔ لیکن عام طور پر پولٹری کے پرندوں کودومقاصد کے طورپرپالا جاتا ہے۔ ان میں ایک مقصد گوشت کی پیداروار یعنی برائلر(broiler) اوردوسرا انڈوں کو حاصل کرنے کے لئے(layer) پالا جاتا ہے۔ اور اس کے علاوہ انڈوں میں سے پرندوں کے پچے نکلونا (incubating the eggs) اور بچوں کو پال کر کھانے یا فروخت کرنے لائق بنانا۔

بہت سارے لوگ پولٹری کے پرندوں کا کام کرنے والے ایک ہی وقت میں بہت سارے حلقوں / شعبوں کا کاروبار کر رہے ہوتے ہیں۔ اگرآپ ان لوگوں کی طرح تمام حلقوں / شعبوں میں اپنا کاروبار کرنا چاہتے ہیں تو شروعات میں آپ کو ایک یا دو حلقوں / شعبوں میں سخت محنت کر کے مکمل مہارت حاصل کر لینی چائیے۔ پولٹری کے پرندوں کے حوالے سے چند حلقے یا شعبے درج ذیل ہیں۔

گوشت کی پیداوار کے لئے پرندہ پالنا – (broiler breeding)

انڈے دینے کے لئے پرندے پالنا – (layer breeding)

پولٹری کے پرندوں کے لئے خوراک (فیڈٌ) تیار کرنا

پولٹری کے انڈوں سے بچے نکوانا – (Hatchery)

انڈوں اور گوشت کو محفوظ کر کے فروخت کرنا

پولٹری فارم کے لئے پرندے کا انتخاب:
پولٹری فارم کے مالکان بہت سی اقسام کے پرندے پالتے ہیں۔ آپ اپنے پولٹری فارم میں ایک یا دو پرندوں اقسام کے پرندوں سے کر سکتے ہیں اور وقت کے ساتھ ساتھ جیسے جیسے پولٹری فارم میں تجربہ حاصل ہونے کے ساتھ ساتھ کاروبار میں ترقی کے ساتھ ساتھ مزید پرندوں کو بھی شامل کر سکتے ہیں۔اکثر پولٹری فارم کے مالکان پولٹری کے پرندوں کے گوشت کی پیداوارکےلئے یا انڈے حاصل کرنے کے لئے مرغیاں (chicken) ، بطخ (duck) ، پالتو چکور (guinea fowl) ، بٹیر (quail) ، فیل مرغ (turkey bird) ، شترمرغ (ostrich) ، پالتو چکور (domestic fowl) وغیرہ کو پالتے ہیں۔

پولٹری فارم شروع کرنے سے پہلے اس بات پر بھی غوروفکر کر لیں کہ آپ نے پولٹری فارم گوشت کی پیداوارکے لئے یا انڈے حاصل کرنے کے لئے بنانا ہے۔ پولٹری فارم بنانے کے لئے یہ بہت ہی بنیادی اور اہم قدم ہےکہ آپ نے گوشت کی پیداوار یا انڈے حاصل کرنے کا انتخاب کرنا۔ لیکن بہت سے لوگ اس طرف سرسری سا غوروفکر کرتے ہیں۔

پولٹری فارم کا عمدہ نام کا انتخاب اور لوگو (logo) بنانا:
ہمارے ملک پاکستان میں نام اور لوگو کی طرف خاص دھان نہیں دیا جاتا۔ اگر ہم کوئی کاروبار شروع کرنے کا سوچتے ہیں تو اس کا نام ہم کسی بھی اپنی جان سے پیارے انسان کے نام پر رکھ دیتے ہیں (جس میں کوئی مذائقہ بھی نہیں) یا ایسا نام رکھتے ہیں جس کا کاروبار سے دور دور تک کوئی لینا دینا نہیں ہوتا۔ اور نام کے ساتھ ساتھ لوگو (logo) کا بھی یہی حال ہے۔ ویسے کوشش کی جاتی ہے کہ کوئی بنا بنایا لوگو (logo) مل جائے اور اس میں ہلکی پھلکی تبدیلی کرکے اپنا لوگو (logo) بنا لیا جائے۔ جو کہ سرا سر غلط ہے۔

ایک نام ہی آپ کی پہچان ہوتی ہے اور اس لئے اس کو نہایت سوچ سمجھ کر رکھنا چائیے۔ آپ اپنے پولٹری فارم کا نام اپنے کام اور اپنی ثقافت کو مندنظر رکھتے ہوئے کریں۔ ایسے نام کا انتخاب کریں، جو بولنے کے ساتھ ساتھ یاد رکھنے میں بھی آسان ہو۔ مشکل یا بڑا نام جلدی بھول جانے والے ہوتے ہیں۔ اور لوگ اس طرف توجہ بھی پھر کم دیتے ہیں۔

پولٹری فارم کے نام کے انتخاب کے بعد دلکش اور جاب نظر فارم کا لوگو (farm logo) کسی گرافک ڈیزائینر (graphic designer) سے بنوائے۔ اور اس لوگو (logo) کو اپنے پولٹری فارم کے تمام کاغزات (documents) ، مصنوعات (products) ، ملاقاتی کارڈ (visiting card) ، ویب سائیٹ (website) ، اور دوسری بہت سی اشیاء پر چھپوائے تاکہ آپ کے فارم کی زیادہ سے زیادہ مشہوری ہو سکے۔ اس سے دوسرے بندے کو یہ تاثر ملیں گا کہ آپ تجارتی پیمانے پر پولٹری فارم کا کاروبار کر رہے ہیں۔

پولٹری فارم کے لئے جگہ کا انتخاب :
آپ کو اپنا پولٹری فارم بنانے کے لئے نہائت مناسب جگہ کے بارے میں سوچنا چائیے۔ پولٹری فارم کے لئے جس بھی جگہ کا انتخاب کریں وہاں اس بات کا خیال لازمی رکھیں کہ کیا وہاں بنیادی سہولتیں میسر ہیں۔ کوشش کریں کہ پولٹری فارم شہر یا آبادی سے تھوڑا ہی دور ہو تاکہ پولٹری فارم کے لئے زمین اور مزدور دونوں سستے میں مل جائے۔

تاہم پولٹری فارم آبادی سے بہت دور بنانا ایک غلطی ثابت ہوسکتی ہے۔ جگہ کے انتخاب میں اس بات کو لازمی ذہن میں رکھیں کہ اپنی مصنوعات (products) کو فروخت کرنے کے لئے آپ کو شہر یا آبادی میں ہی آنا پڑئے گا۔ اگر پولٹری فارم شہر یا آبادی سے دور ہو گا اس سے نقل و حمل (transportation) پر بھی خرچ (expense) زیادہ ہوگا۔

سرمایہ کاری کے لئے رقم جمع کرنا :
جب آپ اپنا پولٹری فارم کا کاروبار شروع کرنے کا سوچ رہے ہو گے تو اس وقت ہو سکتا ہے کہ آپ کے پاس سرمایہ کاری کے لئے بہت زیادہ رقم درکار نہ ہو۔ لیکن پولٹری فارم بنانے کے لئے وافر رقم درکار ہونی چائیے۔ کیونکہ آپ نے بہت سا سازوسامان، جیسے کہ خوراک والے برتن، پانی والے برتن یا بولتیں، ہیٹرز، انڈے سینے والی مشینیں، پنکھیں، بجلی، روشنی کےلئے بلب وغیرہ خریدنا پڑئے گا۔ سب سے زیادہ رقم آپ کو پولٹری فارم کے لئیے جگہ لینے کے لئیے درکار ہوگی چاہے وہ جگہ پھر کرائے پر ہو یا ذاتی خرید۔ یہ سب اور بہت سی سہولتیں آپ کے کاروبار کی ترقی کا سبب بنے گی۔

مزید یہ کہ آپ چھوٹے یا بڑئے پیمانے پر پولٹری فارم بنا رہے تو آپ کو اپنے فارم پر رکھے ہوئے لوگوں کو مزدوری بھی دینی ہو گی۔ اس لئے اپنی ضروریات کو مندنظر رکھتے ہوئے سرمایہ کاری کا تفصیل سے تجزیہ کر لیں۔ کسی بنک میں قرض کے لئے مدد لیں یا اپنے دوسرے ذرائے سے سرمایہ اکٹھا کریں۔

اپنی پولٹری فارم کی مشہوری کرنا:
روزمرہ زندگی میں آپ بہت سے لوگوں سے ملتے ہیں۔ اس لئے جہاں مناسب لگے وہاں اپنے پولٹری فارم کے کاروبار کے بارے میں لوگوں کو بتائے۔ اپنے پولٹری فارم کے بارے میں مشہوری کا آغاز اپنے دوستوں اور رشتےداروں سے کریں اور حاسدین سے بچے۔ اور ان لوگوں کے پاس لازمی جائے جو پولٹری فارم کے کاروبار سے کسی نہ کسی طور پر منسلک ہے اور ان سے اچھے اور قریبی تعلقات بنانے کی بھرپور کوشش کریں۔ اس سے ہو سکتا ہے کہ آپ کو کچھ اچھے گاہک مل جائے۔ اور ان کو اپنے پولٹری فارم کے مقاصد سے آگاہ کریں اور ان سے اچھی رائے لیں۔ اور سمجھ بوجھ کے بعد اس پر عمل کریں۔

جب آپ کسی سے ملے تو اپنے پولٹری فارم کے کاروبار کا ملاقاتی کارڈ (visiting card) لازمی دیں۔ یہ اپنے کاروبار کو متعارف کرنے وانے کا پیشہ وارنہ طریقہ ہے۔ اس کارڈ پر آپ کے پولٹری فارم کا نام و پتہ، موبائل نمبراور ویب سائیٹ وغیرہ سب لکھا ہو گا اور بعد ازع ضرورت کے تحت وہ بندہ آپ سے رابطہ بھی کر لیں گا۔

پولٹری فارم پر پیشہ وارانہ افراد کو رکھنا:
پولٹری فارم کے بہت سارے معملات ایسے ہوتے ہیں جو صرف پیشہ وارانہ (professionals) لوگ ہی آسانی سے حل کرسکتے ہیں۔ پس ان لوگوں پر اپنے فارم پر رکھیں جو پیشہ وارانہ ہے اور ان کا اس پیشے میں کچھ سالوں کا تجربہ ہے۔ اگر آپ خود کار جدید مشینیں استعمال کر رہے ہیں تومزدر افراد کی اتنی ضرورت نہیں ہوگی۔

تاہم آپ کو ایک ایسے فرد کی ضرورت ہو گی جو روزمہ کے معملات کو دیکھیں اور اپنی نگرانی میں سب کام سر انجام دیں۔ اس کام کے لئے ایسے فرد کا چناو کریں جو ہوشیار، عقل مند اور اس پیشے سے منسلک رہ چکا ہوں یا اپنے کام کو نہایت عمدہ طریقے سے سرانجام دیں سکے۔ اور آپ کے پیسوں کو ضائع کرنے کے بجائے ان کو بچائے۔

پولٹری فارم کے لئے انٹرنیٹ کا استعمال:
آج کے اس جدید دورمیں تقریباً سارے کاروبار ہی انٹرنیٹ پر آن لائن ہو چکے ہیں۔ اور ویب سائیٹ کے ساتھ ساتھ سوشل میڈیا (فیس بک، گوگل پلس، ٹویٹر وغیرہ) پر ان کی خوب اشتہاربازی (marketing) کی جاتی ہے۔ اور بہت سارے گاہک آپ کو انٹرنیٹ کی وجہ سے مل جاتے ہیں۔ بہت سے گاہک آپ کی ویب سائیٹ کی وجہ سے مل جاتے ہیں۔ اس لئے سوشل میڈیا ویب سائیٹس پر اپنے کاروبار کی خوب اشتہار بازی کریں اور اپنی جاذب نظر اور دلکش ویب سائیٹ کسی پیشہ وارانہ بندے سے بنوائے اور اس ہر اس پہلو کے بارئے بتائے جو لوگوں کے لئے جاننا ضروری ہے۔

پولٹری فارم کی مصنوعات کی مشہوری کرنا:
جب آپ پولٹری فارم شروع کریں تو اس بات کو ذہن میں رکھیں کہ آپ نے اپنے پولٹری فارم کی مصنوعات (products) کی کس طرح مشہوری (marketing) کرنی ہے۔ کسی منصوبے کے بغیر آپ ترقی کی چوٹی پر نہیں پہنچ سکتے۔ اپنی مصنوعات کی مشہوری کے لئے اپنے شہر اورملک میں طلب اور رسد (demand and supply) کا بغور تجزیہ (analysis) کر لیں۔ اور آپ نے کن لوگوں کو اپنی مصنوعات فروخت کرنی ہے اس بات کا تعین کر لیں۔

لوگوں میں پولٹری فارم کے اشتہار بنا کر بانٹنا، ایک سستا طریقہ ہے مشہوری کا۔ لوگوں کو اپنے پولٹری فارم پر دعوت دیں تاکہ ان کے زہن میں کوئی شک و شہبہ ہو تو وہ ختم ہو جائے اور اس سے بھی آپ کی فروخت میں اچھا خاصہ اضافہ ہو گا۔ اور بہت سے لوگ آپ کی مصنوعات لینے کے بارے میں سوچنا شروع کردیں گے۔

تجزیہ:
پولٹری فارم شروع کرنے سے لے کر آخر تک تمام پہلووں کا بغور بار بار جائزہ لیں اور پولٹری فارم کے لئے پرندے کا انتخاب سمجھداری سے کریں۔ جگہ کا انتخاب میں نقل و حمل (transportation) اور شہر یا آبادی سے فاصلے کو ذہن میں رکھیں۔ اور سرمایہ کاری کے لئے وافر رقم کا بندوبست رکھیں۔ اس طرح آپ آسانی سے ترقی کی راہ پر پہلے دن سے ہی گامزن ہو جائے گے اور نقصان کا اندیشہ بھی کم سے کم ہو گا۔ جو کہ سب سے اچھا پہلو ہو گا آپ کے لئے۔